PEPE DA ZARRAGRANDE

Estaba o mestre morrendo e mandou chamar un virtuoso múseco para que lle ensinase novos aires de flauta.
Ante o desmesurado interés por aprender, un dos seus discípulos perguntoulle: Pero, ¿ para que quere aprender novos aires de flauta si vai morrer?.
E o mestre contestou : Para eso mesmo, para sabelo cando morra.

D.Xosé María López foi o practicante de Vila de Cruces moitos anos. Ao xubilarse decideu facer realidade un dos soños que aniñaran na sua cabeza cando era neno e púxose, nada menos, que a contruir un observatorio para contemplar os astros e o universo.
Iluminado no seu camiño pola sombra estelar de dous personaxes ilustres da comarca do DEZA como foron "o sabio de Lalin D.Ramón Aller e "o matématico de Bermés" D. Xosé Rodríguez púxose man a obra e escomenzou a construir o observatorio astronómico de Zarragrande sendo xa unha visita obrigada a todo aquel que se achega o concello de Vila de Cruces. Situado no monte da zarragrande, fronte o castro de Cumeiro e que até fai uns anos contaba co telescopio de maior alcance da Galiza.
Estudia matématicas, lé revistas e libros de astrofísica e mesmo está a escribir as súas memorias. Memorias, que se nos antoxa a quen escoitamos da sua boca mil batallas libradas, moi interesantes.
Un home desos imprescindibels para facer máis grande a hestoria dos povos.
"

5 comentarios

[pppnas - 21 de septiembre de 2004 - 16:30]

Eu coñecía a Pepe o practicante, e ainda non sei si sería o o que me fixo as primeiras curas cando accidente da caseta. Poida que tamén coñecera a un irmán do meu pai, o que lle seguia en idadade, Xosé e que morreu en Madrid, estando co exército republicano.

[dorvisou - 07 de agosto de 2004 - 12:32]

Dorfun: A xenética non vai máis alá dos primos segundos, penso eu.Do contrario algo me tocaría.
Dende logo que tiña razón quen decia que para trunfar na vida era preciso ter imaxen de loco e proceder de sabio.

Paleón: Achéguese vostede a Vila de Cruces e váise directamente a casa de D. José María López " Pepe o practicante" ou "Pepe o comunista". Unha casa que está na mesma praza do povo, antre o axuntamento novo e o axuntamento vello. Eu lle darei o seu tf. para que se poña en contacto con el para o encontro.

A verdade, amigo pawley, é que vostede facilitáballe moito a tarea coas perguntas que lle facía. Está claro que non hai como saber escoitar para acender a paixón dos que sempre teñen algo que contar.
Vostede xa pode ir só ou acompañado cando queira, tanto a Solaina de Piloño como o coto da Zarragrande. Será ben recibido, non hai dúvida. Eu espero poder estar por ahí no mes do Nadal.

[Martin Pawley - 07 de agosto de 2004 - 02:59]

Nunca esquecerei a tarde que pasamos escoitando a historia de Pepe da Zarragrande: a pérdida da súa fe na mocidade, o descubrimento do seu interese pola astronomía, as feridas da guerra, os anos que pasou en hospitais de Santiago...

¿Cando repetimos a experiencia?

[paleón - 06 de agosto de 2004 - 20:51]

...grandes os sabios dó Deza. Aínda non visitei o observatorio astronómico de Zarragrande, que camiño hai que seguir para chegar a el?...

[dorfun - 05 de agosto de 2004 - 12:51]

...tiven a oportunidade de facer un traballo sobre o matemático Rodriguez, todo un precursor, pero vexo que a inquedanza galega exténdese... será xenética!?
...outra nota para a axenda!