ZooM

Canarina Canariensis, Bicácaro bicacarera, bicacarero...

Fermosa letanía para unha das plantas máis auténticas que se poden atopar polo parque rural de Anaga. Unha planta trepadora que salvaxente vai engalanado eses retortos vieiros do antigo reino guanche.

ZooM

O Palmar é un dos meus recunchos preferidos do Sur de Tenerife, pero xa só para deixar o coche e perderme a pé por Malpaís de Rasca cara ó faro. Na foto podesdes comprobar algo desa grande contraste antre a incongruente civilización e o doce primitivismo da natureza.

ZooM

Tiña o título, tiña a foto... pero lembrei da frase que J.L. Borges lle adicara a un compatriota seu

"Mallea ten talento para encontrar bons títulos. É unha pena que se empeñe en engadirlles libros"

Asi que ata outra...

ZooM

ZooM

"Agora temos na xunta, en medio ambiente, xente que polo menos ten escrúpulos e non son liquidadores de paisaxe. Mais o capitalismo impaciente anda doente detrás do negocio enerxético. Aí fixéronse e fanse reis Midas coa Nai Terra. Eses si que son galeguistas, carallo! Eses si que aman a terra e non outros. Unha cousa é facer un poema ao Xallas e outra ben diferente ter collóns a zugarlle o último electrón...." (Manuel O´Rivas en OS GROUCHOS)

Unha das cousas máis malas de dixerir cando me acheguei por proimeira vez ao encoro da minha parroquia foi o seu silenzo. Un tremendo vacío que me fixo un nó na gorxa. Alí, onde onte baixaba un río cheo de vida e cantareiro, hoxe só hai unha poza de auga choca...

Agora, nos libros de texto, ademais de que o río Amazonas é máis caudaloso do mundo tamén terán que poñer que o Ulla é o máis "escandaloso"

ZooM

Etiquetas: Galiza

ZooM

Si, parecen unhas fermosas fotos. Aínda me atrevería a dicir que son unhas fotos impactantes. Si, impactantes como a dun coitelo tinxido de sangue bermella aínda quente,despois dun asesinato.

Unha verdadeira puñalada trapeira ao corazón da terra.

¿Ata cando tan grande sangría...?

ZooM

Etiquetas: Galiza