SONS DA NATUREZA

Nestas pasadas vacacións baixei até a devesa para dar un paseiño por ese camiño que mesmo parece que remeda ó río. Un camiño feito de saudade, que me trae recordos da minha crianza. De cando íamos armarlle ós peixes ou pescar anguías debaixo das pedras, con un "jancho" especial de ferro, feito por nós adrede.
Os recordos ían sacudindo as emocións e as palabran esbouraban dentro de min co lume da paixón.
De súpeto escomencei a berralas, a cuspilas fora... eu miraba ao ceu e decía:
¡sobreira, aloumiño, abrigadoiro!
E as palabras aínda quentes batían nos valados do mundo para convertirse polo eco en múseca, en melodía...

8 comentarios

[Princesa Fiona - 13 de agosto de 2004 - 10:25]

Tan cerca e nembargantes tan lonxe... Non é unha distancia física

[dorvisou - 11 de agosto de 2004 - 13:05]

Que mo diga unha princesa non está nada mal.
¿Por onde andará vostede para botar de menos as cousas da terra?

[Princesa Fiona - 11 de agosto de 2004 - 10:26]

Non sei se quedar ca foto ou co texto; a miña terra, a vosa.

[dorvisou - 11 de agosto de 2004 - 02:32]

E bebíamola auga das fontes nas cunchas das mans e descubríamos as artes amatorias baixo a promiscuidade do pecado e...tantas cousas máis

[caladinha - 10 de agosto de 2004 - 22:00]

E non falabades co Cuco, estoupabades alcloques, cazabades ghrilos, andabades en busca dos laghartos arnaos...? Nos caminhos que nos fixemos co avo habia algho de todo iso

[dorvisou - 10 de agosto de 2004 - 21:17]

Ocorre que a foto non ten nada que ver co decorado que describo na arroutada. A paisaxe que ollamos na foto é o río Sil ao seu paso por Rabacallos(Parada do Sil). Foi sacada dende a ventá da casa rural O MUIÑO. Un lugar moi recomenda(ble)(bel)(vel) para os amantes da natureza,
e o río que molla os meus soños de neno é o Ulla ó seu paso antre Insua, Circes, Ollares...
Por certo, hai cousas que un non se cansa de escoitar. Repítete canto queiras, meu ben.
Xibe: Si, hai no meu cantar unha pequena doses de melancolia. Posivelmente esté a facerme un home...jeje

[xisbe - 10 de agosto de 2004 - 01:48]

valados do mundo =tempo pasado?

[peke - 10 de agosto de 2004 - 00:37]

Iso que se ve á esquerda, brillante polo sol, é un camiño, ¿non? Resulta moi evocador e suxestivo.
Xa non digo nada da foto, porque me repito coma o allo e dáme non sei qué. ;)