<center>HoXe, LuNS, Día 13...</center>

HoXe, LuNS, Día 13...

Paciente varón de 41 anos de idade que ingresa para someterse a unha intervención quirúrxica dunha exeresis de quiste sebáceo na espalda. Así reza o meu episodio asistencial que me levou, esta mañan, por primeira vez, até un quirófano. Medo só lle tiña a agulla da xiringa da anestésia porque sabía que o bulto non era nada complicado, pero según ían pasando os minutos notábame un pouco máis inquedo. Alí, nun pequeno e claustrofóbico pasillo, esperábamos un monton de xente disfrada que mesmo parecíamos talibans de guantamano en verde. O guión da película era de risa, a enfermeira chamaba de un en un por unha porta e o celador ía metendo de tres en tres pola outra. Eu, ás veces non podía coutala risa e tíñame que meter no lavabo.
Cando cheguei o quirófano trincáronme un dedo cunha pinza que estaba conectado a un aparato e deseguida me preguntan que se tiña algunha alerxia, se estaba nervoso... i eu, nun arrebato de sinceridade, cheguei a decirlles senón sería mellor deixalo para outro día, que non dormira ben esa noite e que aínda tiña resaca.
- Non, nada deso. Se aínda tes resaca, mellor. Así xa non se precisa anestesia...contestoume o ciruxano.

Despois ó sair, fun buscar unha carta certificada a correos e cal non sería a minha sorpresa, cando ao abrila me atopo con que ademais dos 300 euros que xa paguei de multa, e da bronca por irresponsable da minha compañeira, retíranme o permiso de conducir un mes.
Menos mal que pola tarde, o meu fillo rematou de artellar este aparello despois de telo tres días destripado e tamén recibin unha chamada do meu amigo Octavio Vink para decirme que prontiño chegarán os reises a este recuncho das Illas Canarias.

Fotos: Uxio (meu fillo).

14/12/2004 02:24

Comentarios » Ir a formulario

Autor: peke

A coidarse, señor Dorvisou.
E Uxío apunta maneiras como fotógrafo, pero aínda lle queda unha fervura para chegarlle ao pai.
¡Felices Reis! :) (Xa botei un ollo).

Fecha: 14/12/2004 15:37.

Autor: pepe penas

Coidaba eu que algo tiña que pasarlle a Dorvisou, non podía ser que de supeto deixara de esgarabellar no seu Blogomillo..Cos meus mellores desexos
Bo Nadal e unha aperta grande coma un palleiro de herba seca.

Fecha: 14/12/2004 16:40.

Autor: muralla

Primeiro alégrome de que non fora nada serio...e despois sinto moito o do carnet, sólo espero que os reyes che compensen con muitas cousas que lles pediras...
Sorte e bicos, e felicidades a ese gran fotógrafo que é o teu fillo, claro que de tal palo, tal hastilla, que todo se hereda...Muralla

Fecha: 14/12/2004 20:46.

Autor: dorvisou

Peke, O rapaz está levedando e o pai xa parece que quere fermentar.
Un bico con luces do nadal.

Fecha: 15/12/2004 03:19.

Autor: dorvisou

Pepiño, esa aperta encheume de pallas. Espero que sexas moi agraciado nestas festas do nadal.
Saúde e amor, saúde e amor...

Fecha: 15/12/2004 03:23.

Autor: dorvisou

Muralliña, o do carnet non deixa de ser unha putada porque o día vinte estarei de vacacións ata mediados de Xaneiro.
Do rapaz direiche que apunta boas maneiras. Só queda esperar que non se perda no camiño. É un rapaz moi sanote e sorprendeme a sua responsabilidade e constancia. Xa quixera eu a sua edade...
Biquiños e moitas felicidades.

Fecha: 15/12/2004 03:35.

Autor: caladinha

Cóidesenos e dende esta banda ha ser un abrazo en sucesivas voltas, como a cabeza dun repolo (aprendidos de Celsiño, como non)

Fecha: 15/12/2004 09:28.

Autor: jaio la joía espía

¿Bulto en la espalda? ¿no será que se ha dejado enganchado algún filtro?
Suerte con el anillo. Por que será un anillo de diamantes lo que le saquen ¿no? Para otra cosa mejor qu eno rajen. Dígaselo así.

Fecha: 16/12/2004 01:00.

Autor: dorvisou

Caladiña, non sabes canto ben me fai sentirme tan ben abrazado. Sodes todos moi wuapiños.
Biquiños con burbullas.

Fecha: 16/12/2004 20:54.

Autor: dorvisou

¿un diamante?, non muller, non. Foi un pouco de unto...jaja
Deus lle garde a vostede o seu diamante moitos anos.
Un bico con chicle.

Fecha: 16/12/2004 21:00.