ZooM

Un dos últimos viños incorporados ao minha carta foi "AS SORTES ". Un Valdeorras para disfrutar da comuñon do corpo e da terra nun tempo dourado. O nome ben parece facer referencia as sortes de poder pagalo ou as sortes de poder atopalo. O seu prezo, uns cuarenta euros en restaurantes xa o enmarca nesa fronteira do proibido, sen esquencer a súa limitada colleita e que unha boa parte ten destiño EEUU.

Un dos mellores viños blancos do mundo bendecido pola xenerosidade dunha uva maxestuosa como é a godello , unha terra privilexiada polo tesouros que se esconden debaixo da tona da terra e todo elo arroupado por un microclima unico en Galiza  que convirten esta denominación de orixe nun paraiso terrenal  de Baco. E se lle sumamos o virtuosismo duns artesanos como é a familia Palacios , pouco máis que contar

Neste caso, ao contrario do común, imos deixar un prato para acompañar un vino :-)

LoMo de PeSCaDa con un PiSTo de VeRDuRaS e CaNGReXo de Río

ZooM

ZooM

Así ven o mundo as cucarachas, as formigas e os borrachos... dende o chan.

ZooM

Aproveitando o espazo en branco que me presenta hoxe este post e tamén a coyuntura socio-política do momento quero presentarvos a minha nena

Un nena que naceu en Galiza e que "vive como galega" en Canarias, como tantos outros nenos. Ten uns pais bastante "normales" con traballo e tamén ten unha casa para rematar de pagar a hipoteca cando quede orfa.

A minha nena vai a un colexio bilingüe para que fale con máis naturalidade outros idiomas, para que sexa disciplinada e ordenada nas súas tarefas , para que sexa educada e non maltrate aos os seus pais cando sexan vellos e como non, tamén para ser respectuosa co medio e non andar a patadas co mobiliario urbano.

Cando sexa maior quere estudar unha carreira para pasearse con minifalda e fachenda polas portas dos distintos organismos na procura dun traballo . A rapaza está orgullosa de ter unha baby-sister de Finlandia, uns veciños gay, uns arxentinos e outros ingleses. Non fixo aínda a primeira comuñon pero tanto da...porque xoga ao baloncesto e ao tenis que nindiola...

Grazas a Rajoi por darme a oportunidade de presentar en sociedade a familia, onte foi o meu primo. e hoxe a minha nena... espero que siga moitos anos na oposición para falar tamén dun cento de primos , do outro neno e da minha compañeira.

Non son un home que me lembre moito dos soños consumados, non son dos que lle poñen tino...mais acabo de regresar dun que aínda teño morno e vouno intentar debullar cunhas cantas palabras prestadas.

"Coido que estábamos nun concurso e tíñamos unha morea de cousas acima dunha mesa, pero deseguida cada quen facendo gala da súa cobiza humana, arramparon con todo deixando a este parvo da aldea sen nada.

Ollando unha rapaza que vertía por fora das cousas todas xuntas que pillara, escomencei a berrar chamándolle de todo canto malo se pode dicir do ser humano. Despois, arrepentido, refuxieime nun cuarto, tomei un gin-tonic e decidin fuxir do lugar. Cando xa me ía, abreuse a porta e un desfile de miradas distantes e indiferentes deixáronme de pedra.

Ao final, apareceu aquela rapaza que fora victima do meu xenio e como non tiña nada máis que perder, acerqueime a ela para pedirlle desculpas sen esperar nen que me escoitara como é costume na nosa estirpe.

¡ Ou, mais cal sería a minha sorpresa! ...cando levantou os brazos para abrazarme e con certa docilidade susurrarme nos ouvidos:

"Que grandes valores atesouramos e que pouco avanzamos no camiño"

Xogando, moitas veces aínda non podo entender as cousas doutro xeito, atopei con este windows movie maker para fedellar coas imaxes.

Aquí vos deixo os meus primeiros traballos adicados a sempre benquerida SOLAINA DE PILOÑO . Neste video podemos vela rapaza do arco co decano da filloa de Merza, Xosé Molina nunha demostración da arte na Lareira.